Vawiin atang hian Lawngtlai District a Healh care worker te hnen ah Covid 19 hridanna pekchhuah tan a ni dawn.
Chief Medical Officer Dr.LP Malsawma chuan nimin khan a Office ah Lawngtlai a thuthar thehdarhtute kawmin, Covid 19 Vaccine, Covishield dose 750 chu Pathianni khan Lawngtlai thenpui a nih thu sawiin, vawiin atang hian Healthcare worker te hnen ah pekchhuah tan a nih tur thu a sawi a, Vaccine hi pekchhuah a nih hnu ah pawh, Covid 19 laka invenna chu ngaihthah chi a nilo tih sawiin, englaipawhin mipuite chu hridarh tur leh hrikai theihna lak ah Sorkar in tihtur leh tihlohtur a duan te zawmturin a chah.
District Immunization Officer Dr.S.Thazi chuan, a thawhkhat nan Vaccine chu Lawngtlai leh a chhehvel a Healhcare Worker te pek phawt tum a nih thu a sawi a, Vaccine an dawn zui dan a zirin Sangau tlangdung ah hmalak zui tum a ni a ti a, Chanchinbumi te zawhna chhangin Immunization Officer chuan, Vaccine chu mipui ah pektheih a nih huntur hriat a la nih loh thu sawiin, pekchhuahtur te pawh Sorkar laipui ruahmanna ang zel a kalpui tur a ni a ti.
Covid 19 Vaccine hi vawiin chawhma dar 9:45 hian a, Lawngtlai East MLA Pu H.Biakzaua hovin pekchhuah a ni ang.