Hruitezawl chhak, Chhimtuipui a lungpui chuan ngaihventu a nei tam tual tual a, hming erawh mumal tak a nei lo tih a chiang a, a sawitu a zirin hming hran hran a pu a ni deuh ber awm e.
Hmun hmingthangte zingah hming hran hran nei chu an awm lotheilova, chumite chuan chitiang chuan an ti a, tiin sawifiah theih erawh a ni thung thin.
Lungmak, Lungmawi, Meilawng, Chhura Meilawng tihte chu sawidan langsar zing ah a tel a, tunhnu ah hmingdang eng eng emaw pawh a nei chho in a hriat bawk.
Lawng angtak lungpui pawh khu thenkhatin Meilawng an tih laiin, thenkhat in Chhura Meilawng an ti thung a, tun dinhmun ah chuan a hming hi a buai nilovin, pawmtlan theihtur hming a la neilo niber in a hriat a ni.
Khulai a Lungpui mawi leh mak tak tak awmte khuan, tunhma lam atanga hmingbik, sawidan bik a lo nei a nih chuan, chu chu puhlen maise, chutiang a nih lemloh chuan, hming mumaltak a neih thuai a ngai a, indemna tur zawnkual a sawt lova, hming mumaltak, a neihtheih nan a hmalatheituten hma an lak thuai a ngai tih chu thilchiangsa a ni a, a panna kawngte a nuam chho zel anga, a kumtelin, khulai a lungpui te khuan khualzinmite a hip nasa tual tual dawn a, tuna LADC Executive Meeting in ngaihventutur a ruatte hian ngaihtuahna thuitak nen ruahmanna an siamthuai thuaiin a rinawm.