Nimin khan Lawngtlai East Bialtu MLA, Mizoram State Agriculture Development Board Vice Chairman, Pu H.Biakzaua chuan Lai Autonomous District Council tlawhin, Executive Member te nen an inkawmho.
Pu H.Biakzaua chuan Executive Member te chuan bial bik an neilo tih hre nawn se a duh thu a sawi a, LADC chu an bial a ni a, ram leh hnam tan theihtawp chhuah a tan la turin a chah a, Lai hnam ziarang humhim kawng ah tan la zualturin Executive Member te chu a chah a, State Sorkar nen pheikhairual taka kal a tul tih sawiin, MLA a nihna atangin theihtawp chhuah zel a tum thu a sawi.
Inkawmhona hi CEM mawhphurhna la mektu Pu T.Lalengmuana Executive Member chuan a kaihruai a, Pu H.Lalramanga Executive Secretary chuan LADC dinhmun tlangpui report a pe a, Pu H.Biakzaua hi MNF District Hqrs. President Pu Lalramliana Colney leh hruaitu dang ten an tawiawm.