Nimin khan Save, Help & Development, (SHADE) Lawngtlai Branch thar hawn a ni a, he hun hi Dr. S.Thaizy District Aids Control Officer chuan Khuallian niin a hmanpui.
SHADE Branch thar, Lawngtlai Chandmary Venga Pu Sumkhuma Building Top Floor hawnna inkhawm hi Pu H. Chhawntluanga, Managing Director.SHADE chuan kaihruaiin, Khuallian Dr. S.Thaizy, District AIDS Control Officer chuan HIV/AIDS natna hi khawpui amite chauh vei tur nia kan hriat thin chu, District hrang hrangah HIV/AIDS Veithar hmuhchhuah anih hian a thaichhia ani tiin, Thingtlang kilkhawr tak tak amite pawhin he natna, tihdamna Damdawi an la hmuhchhuah loh hi an vei mek ani ati a. A sawi zelna ah, Dr.S.Thaizy chuan Nu, Naupai te atanga hmuh chhuah hi a pung hle a. Kum kalta 2020 January atanga December thleng khan Thisen Test 651 atangin HIV/AIDS hrikpai hmuhchhuah 34 anih thute, Nu Naupai 606 endik atangin HIV/AIDS Hrikpai 2 hmuhchhuah thar an nih thu a sawi.
SHADE hi NGO pawl pakhat niin, Aizawl chu an Headquarters ani a, Lunglei leh Kolasib ah Branch an nei tawh a, tun hnaiah hian Lawngtlai, Mamit leh Serchhip ah te Branch thar hi an hawng mek a ni, nimina hawn tak Lawngtlaiah hian Staff 4 an dawn a, Lawngtlai District khaw hrang hrangah thawhpui tur mi 12 an la thlangchhuak leh ang.