Lai Autonomous District Council a Chief Executive Member, Pu Manghmunga Chinzah chuan, LADC a a kaihhruai Sorkar chuan, Lairam leh hnam himna leh zahawmna humhim chu a ngaihpawimawh hmasak tur a ni a ti.
MNF District Hqrs Lawngtlai Office, kumin atan a hawnna neih ah he thu hi sawiin, LADC a Chief Executive Member chuan, Lairam leh hnam himna chu MNF Sorkar chuan a duhber a ni tih sawiin, Council zahawmna humhim a nihtheih nan hmalak a ni zel tur thu a sawi a, ram danpui siamthat a nih tum a, hnam dang sumdawngte khuahkhirhna dan paih a ni chu a theih ang angin neihlet a nih theih nan hmalak a nih tur thu a sawi a, Council mal a hmalakna kalpui ngawt chi a nihloh vangin huamzau zawkin hmalakna kalpui tum a ni a ti
Pu Manghmunga Chinzah chuan Council huamchhung a Village Council inthlanna State Election Commission kut a awmchu, Council thuhnuai a a awm leh theih nan hmalak a nih tur thu a sawi nawn leh a, Council thuneihna lakthensakna a nih vangin neihlet ngei tuma hmalak a nihtur thu a sawi.
MNF District Hqrs Office kumthar atan hawnna inkhawm hi District Hqrs President Pu Lalramliana Colney chuan kaihhruaiin, LADC a Chairman Pu V.Zirsanga pawhin thusawiin, kumhlui tawplam a inthlanna neih chu Council chanchin ah Party malin seat an lak hnember tum a nih thu sawiin, MNF MDC te chu Pathianin mipui aiawh a roreltur a a dah an nihna vawnghim tlat turin a chah.