Lawngtlai District MJA te chuan State Sorkar, Council Sorkar leh mipui ten an thawhpuina ah lawmthu sawiin, ram tan tangkai zawka thawk turin inhlantharna an nei.
MJA Lawngtlai District President Pu Lalngheta Ralte kaihhruaia kumthar thutkhawm hmasa berah, I&PR Minister Pu Lalruatkima'n Lawngtlai Press Club chei thatna tur a ngaihtuahsak chu lawmawm an tih thu an sawi a; a bikin COVID-19 avanga Print Media ten hniamlam a pan hret hret laiin, Lawngtlai District mipuiten Chanchinbu hlutna an vawng tlat chu lawmawm an tih thu an sawi.
He hunah hian, Sorkar Advertisement chu chanchinbumite tanpuina a ngai an awm thei tih sawiin; Advertisement chu Sorkarin mipui a puanzar tur pawimawh a neihte Chanchinbu hmanga a puanzarna zawk a ni a, mipui tana thawktu Sorkar Department thenkhat, kumtluana mipui tana hna an thawhna, mipui a puangzar ngailo an la awm chu hriatthiam har an tih thu an sawi a, Sorkar pawhin helam hawi hian tan la deuh se an duh thu an sawi.