Nimin khan Lawngtlai District a Healhcare worker te hnen ah Covid 19 Vaccine pek tan a ni a, Lawngtlai East MLA Pu H.Biakzaua hovin pektanna hun hman a ni
Vaccine pekchhuah hma a inkhawm tawi buatsaih, Lawngtlai DC, Dr.Andrew H.Vanlaldika kaihhruai ah, Lawngtlai East MLA Pu H.Biakzaua chuan hripui danna pekchhuah theih a ni ta chu lawmawm a tih thu a sawi a, Vaccine hi awm tawh mahse, Covid 19 chu a hlauhawm reng tho tih sawiin, fimkhurna thlahthlamlot urin mipuite a chah a, Covid 19 dona ah Lawngtlai District chuan an thawktha hle tih MLA chuan sawiin, State Sorkar in theihtawp a chhuah vangin Mizoram chu Hridona ah a hlawhtling chho mek a ni a ti.
Vaccine hi District Hospital Building thar ah pek nghal niin, CCC Lawngtlai, Medical Officer Dr.Elsadai B.Lalbersiama chu pek hmasak ber niin, a thawhkhatna ah hian Lawngtlai District a Healhcare worker mi 1131 te chu vaccine pektur a tih niin, Vaccine hi tihluihna a pektheih a niloh thu leh a laturten an mahni duhthu ngei a an lak a ngaih thu District Immunization Officer Dr.S.Thaizi chuan a sawi.
Vaccine la hmasaber Dr Elsadai B.Lalbersiama chuan, Vaccine a lak vangin ataksa ah engmah danglam a awm lo tih The Lawngtlai Post a hrilh.