Lawngtlai District chhung, Hruitezawl chhak, Chhimtuipui a Lungpui pui mawi tak tak, Lungmak ti a hriatlar chu Lawngtlai DC ruahmanna in Lawngtlai District Disaster Quick Response Team te chuan an enfiah.
Lungmak hi tunlai hian tlawhtu an thahnem zual a, Lawngtlai DC Dr.Andrew H.Vanlaldika a chuan Lungmak tlawhtute an him zawk nan leh, a chanchin te kimchang zawk a hriat a nih theih nan Lawngtlai District Disaster Quick Response Team te chu Team Leader HC Lalnunchama hovin a enfiahtir a, Inrinni khan enfiah hna hi zawhfel niin, Lung chak ber chu Tui atangin Feet 35 '7 a sang niin, a chungzawl zaulaiber a tehin 94 ft a ni a, Lung chhakber dawttu, Lung lai chu 37 '6ft a sang niin a Len zawng Feet 102 a ni a, Lungthlang ber, Meilawng chu tuichimchin atanga tehin feet 42 '5 a sang niin a chung zawl zaulai ber chu feet 110 a ni, helai Lungmak awmna lai a tuithuk laiber chu feet 74 '6 a thuk a ni
Quick Response Team te chuan Lungnak tlawhtute chu tui a cheng,lo turin thurawn an pe a, venhimna thatak tello chuan lui lama infiamna lam chi pawh tihchi a an ngailo bawk a, Lungmak entur phur thintu Lawngleng te chu nguntakin anenfiah bawk a, Lawngleng panga chu mihring phurtlak lovah an ngai bawk.
Lawngtlai District Magistrate chuan Lungmak leh a chhehvel ah eng hmanrua hmang mah a sangha man a remtilova, Lungmak tlawhtute chu bawlhhlawh hnutchhiah lo turin a ti bawk.