LADC Sorkar thar Executive Meeting hmasaber chu kar kalta khan neih a ni a, mipui ten an hriattur pawimawh te chu Journalist ten an puanzar theih turin pekchhuah a ni a, kha thil kha LADC chanchin a thil thleng zen zenlo a ni a, a lawmawm khawp mai.
Mipuiin an aiawha rorelna dawhkan kil a, ram hruai hna thawktur an thlang chhuak a, an thlanchhuah ten ro an rel a, an thurel pawimawh te chu mipui ten an hriat ve zel hi, mipui lam te dikna chanvo pawh niin a hriat a, tuna LADC Sorkar thar Executive Committee thurel pawimawh, puanzar theih a awm kha, hun lo kalzel tur ah pawh chinzui zel atan itawm leh Democracy ram ah chuan thil tih awm tak niin a hriat a ni.
Union Cabinet Meeting te, State a Council of Minister thutkhawm te pawh Chanchinthar lam ah hriattur a awmfova, a bikin District Council a Executive Committee thukhawm hian Chanchinthar a luah ngailo a, tuna LADC Sorkar in hetiang lam a ngaipawimawh hi mipui te ngaihsakna pawimawh tak zing a mi a ni.
Executive Committee meeting a an thusawi leh rel zawng zawngte mipui tan hriat a tul berlova, hetihrual hian, an aiawh a roreltute hian ram tan enge thawh an tum, enghawizawng in nge hmalak an tum tih te leh an hmalak zui dan te pawh mipui hriattur a puanzar fo hi thuneihna chelhtute hian ching zui zel se a duhawm ngawt ang.