Lai Autonomous District Council Sorkar thar chuan, Sorkar hmasa in hnathawktu a lak engemawzat chu a ennawn dawn tih Bualpui NG West bialtu MDC, LADC a Executive Member Pu V.Zathanga chuan a sawi.
Nimin khan Pu V.Zathanga hian a bial Bualpui NG West tlawhin, Sorkar kalta khan Budget Provision a tello Muster Roll zathum chuang leh mi sawm chuang a nghet a la ni a an hriat thu a sawi a, Chief Executive Member Pu Manghmunga Chinzah kaihruai, MNF Sorkar chuan, diklotaka hna lak ni a sawi hi an ennawn tur thu a sawi a, heihi Politics a phuba lakna nilovin, LADC Sorkar sum indaihlohna nasatak a thlen theih dawn vangin MNF Sorkar chuan a ngaipawimawh hle dawn a ni a ti a, ram mipuite chu an hmalakna hrethiam turin Pu V.Zathanga hian a ngen bawk.
Pu V.Zathanga chuan LADC a MNF Sorkar thar chu nghing maitur anga thu belhchiandawllo thehdarh a awm tih sawiin, Politics a inbeihna ah, a chanchhe zawkte chuan sorkar beihna tur an zawng ve reng thin tih sawiin, CEM Pu Manghmunga Chinzah kaihhruai, MNF Sorkar chu a nghet tawk a, Executive Body a rualkhai a, a nghing mai mai dawnlo a ni a ti.
Pu V. Zathanga, hi Pu H. Lalhmingmawia, Secretary, MNF Dist. Hqrs. Lawngtlai pawhin tawiawmin, Pu H. Lalhmingmawia chuan LADC sorkar tharah Lairam mipuiten beiseina sang tak an neih thu sawiin, executive formation an han siam a,an tha em em vek a, thiamna leh finna lamah pawh vantlang chin vek an ni a, Lalpan ram rorelna inpuia hnathawk thei tura a rawn dah chhuah te hi finchhuah an ngaihna laiah finchhuah zel turin mipuite a ngen.
Tags
News