LADC huamchhung a leilungin a kentel, hmun mawi leh nuam zing ah, Hruitezawl chhak lawk, Chhimtuipui a lung mawi leh mak tak tak te chuan tunhnai ah tlawhtu a nei tam in, ngaihhlut a hlawh chho viau a, a lawm takzet a ni.
Hetiang a tlawhtu an punchhohna chhan hi, a kalkhan te a lo nawm chhoh deuh tak vang te, helai hmun tlawhtuten, midang tan tlawh ve chakna an siamsak vangte a ni a, hetiang a LADC huamchhung a ngaihhlut tham, hmun mawi leh tlawh chakawm tham a awm hi a vanneihthlak khawp mai.
He lai a Lungmak ti a hriatlar hi, awmze nei zawk a Sorkar in emaw a enkawl a pawimawhna a zual viau tawh in a hriat a, a hming chungchang ah pawh, sawidan a inanglo nuai a, hming mumal deuh neithei se a duhawm viau a, tunhnai ah tlawhtu thenkhat ten Lawng hmandan ah pawh harsatna an tawk chho lek lek ni a lang te hi, mumal zawk a kalphung remfel theite an chet a tul a, khualzin tamzawk ten an la rawn tlawh dawn a, hemi hun thlir chung a, veivahna senso thleng pawn khawvel hriat a pholan theihtur neih a tha viauin a hriat a ni.
A tlawhtuten duat taka an enkawl a pawimawh a, Sorkar lam hian ngaihpawimawh ah neise, a chhehvel ah chawlhhahdamna buk te pawh zar nithei se, a hmun hma hrim hrim hian neitu a mamawh a, chutiang a cheibawl theitur chuan a titheiten hma an laka pawimawh viauin a hriat a ni.
Tags
Editorial