Covid 19 hri danna Vaccine laktheih a nih hun ah, Vaccine la tur leh peturten harsatna an tawh loh nan vawiin khan District Hospital Lawngtlai ah, Vaccine pekchhuah chhinna, a tak ang thei ang ber in neih chhin a a ni.
He hun hi Additional DC, Pi Marilyn Rualzakhumthangi enpuina hnuai ah CMO, Dr, LC Liana, Dr. S.Thaizy District Immunization Officer bak ah Dr Zothanpari Chhakchhuak District Medical Superintendent te kaihhruaina hnuai ah Vaccine pek dantur enchhinna hi tluang takin neih a ni a, Vaccine latur te chu an document nguntaka endik a nih hnu ah, an hriselna tlangpui enfiah niin, innghahkhawmna hmun ah khung an ni a, hetatang hian hridanna lakna hmun ah koh niin, heidanna pek an nih hnu ah, chawlhhahdamna hmun ah darkar chanve chawlhtir niin, hemi hunchhung a an taksa a harsatna an neih chuan, a hmun ah Doctor leh damdawi lam hmanrua chhawp nghal a ni bawk a ni.
Heng enchhinna hi kaihlak awmlovin tluangtakin mi 50 chuang ah enchhin an ni a, Vaccine hi a taka pekchhuah tur a awm hun ah Lawngtlai District chhung a Healh Care lam a thawktu mi 1129 hnen ah pek hmasak an ni dawn a ni.
Chief Medical Officer, Dr LC Liana chuan Covid 19 hridanna chu mithiam ten an zirchian a, an endik vek a nih vangin, hridanna latur tan hlauhthawntur a awmlo tih sawiin, hridanna an lakhun ah kimtak a la theuh turin mipuite a ngen a, hridanna lak chu hripui lak a himna tur a ni a ti.
Tags
News