Kumtin a an lo tih thin chhunzawmin, Kumthar atan inhlantharna hun nimin khan LADC chuan neiin, Pathian hnen a inhlantharna an neih bak ah, a vawikhat nan a huhovin rinawm taka hna thawkturin an intiamthar.
LADC Secretariat tual a inhlan tharna neih ah hian CEM, Pu Manghmunga Chinzah chuan, Autonomous District Council chu Pathian in a pek a nih vangin, a chhung a hnathawktuten duhdah taka an enkawl a rem lo tih sawiin, ram innghahna a nih vangin, ram leh hnam hmangaihna thinlungpu chung a mahni hna theuh thawkturin, LADC hnuaia thawktute chu a chah a, sorkar hna chu inhlawhfa rilru pu chunga thawh chi a nilova, theihtawp chhuah a hnathawktuten an thawh chuan Lalpan mal a sawm ngei ngei dawn a ni a ti.
LADC a Chairman Pu V.Zirsanga pawhin thusawiin, Lairam chuan Nu tak rilrupu a enkawltu a mawh tih sawiin, tuna Executive Committee dinglai te chu sorkar hnathawkten ram hmasawnna tur ah finchhuah taima turin a sawm a, mipuite chu LADC Sorkar tan tawngtai fo turin a ngen bawk.
LADC hnuaia thawkte inhlantharna ah hian Lairam Isua Krista Baptist Kohhran a General Secretary Rev. B.Zazawna Lai chuan Pathian thuchah sawiin,a kaihhruaina hnuai ah a huhova an tawngtai rual bak ah, a vawikhatnan, Deputy Secretary Pu L.Z.Tluanga kaihhruainain Staff te leh Executive Committee te chuan ram tana intiamna an nei bawk.