LADC Chairman, Pu V.Zirsanga chuan, nimin a LADC Inhlantharna neih ah, Aikal la te chuan Pathian malsawmna an dawn, an hnar, tihna a ni a ti a, Pu Zira thusawi hi ngaihtuah chiang duh tan chuan, a nazawng a aikal lak ngawt hi tihawmloh leh ngamchi pawh a nilo hialin a hriat a ni.
Sorkar hna hi Kristiante chuan Pathian malsawmna vanga thawkthei, hna pawh hmuthei ah kan ngai vek lotheilova, tute emaw duhsakna vang leh tute emaw vanga Sorkar hna hi hmu a inngai te an lo awm a nih chuan, aikal chu lo la vel ta mai mai pawhnise, an demawm loh maithei e.
Mahse, hna hi a nihna tak ah chuan Pathian vanga hmu a thawk an ni a, heihi Chairman hian chiangtakin a hria a, Lalpan an hnatur a a pek, thawk tha duhlova, Aikal la te chuan Pathianin malsawmna a pek an hnar a ni ti a a sawi hi a dik khawp mai.
Engemawbik, lohtheihlohva aikal lakngai te chu Sorkar hotute hian an hrethiam viauin a hriat a, hengmite hi Pu Zira sawi hian a huamlo tih a chiang a, heivang hian, Lalpan an hnatur a a pek chu an thawkduh a nih chuan thawk maise, an thawk duhlo a nih chuan aikal late hian bansan maise tih hi ngaihdan bung ang reng tak a neihtheih a, heng hi Sorkar in chaktaka hma a lak vut vutna tur lam aimahin, Aikal late hian Pathian malsawmna an dawn, an hna chu rinawm taka an thawh mai hi a pawimawhlai niin a hriat a ni.