LADC Sorkar hi mi thenkhat chuan, awmzenei zawk a a kaltheih nan, thalai, lehkhathiam, Politics tuinu in a chiah ve lemloh ten kaihhruai se tih hi an ngaihdan leh duhdan a ni thin a, Senior Politician te an rinzawhloh vang nilovin, Senior te ai hian tunlai khawvel thangzel ah awmzia an neihthui deuh beiseina a lian viau a ni.
Tuntum LADC Sorkar ah hian Executive Member pakua zing ah, pariat te chu Executive Member la ni ngailo an ni a, mahni tawk ah ngaihtuahawmloh thiau an ni zui bawk a, an lakah hian ram mipui ten rinna an nghat lian hle a, mipui lam ten an beiseina hi engchennge a hlawhtlin ang tih erawh hun in a herchhuahpui a ngai thung dawn a, an phen ah hian LADC hnuaia thawktute leh ram mipuite hian mawhphurhna pawh an neilian viauin a hriat a ni.
Anihna takah chuan sorkar hi nawrfo ngaitur a nilova, mipuiin an aiawhtur a an thlanten ram an kaihruai a, mipui chu an ngaihpawimawh hmasak tlat chuan thiltha a chhuak lothei thinlo tih a chiang a, hetiang titheitur hian Executive body hi an rinthlak tih a chiang a, Politics tuinu in a chiah buailo te hian ram hmel thar hi an pholang zo ngei ngei ang tih hi ringngam ila, chutiang dinhmun a thlentheih nan puih an ngaihna ah pawh tute pawn tan an lak a pawimawh dawn a, Political Party ang zawnga sorkar kan thlir tlatna hi paih a, mipui sorkar din hi a tul viau tawh in a hriat ani.