LADC a CEM chuan Council thuneihna hnuai a awm reng thin, Village Council inthlanna, State Election Commission hnuai a dah chu, neihlet tum a hmalak a nihtur thu, CEM a lakluh a nih tum in a sawi a, nimin a MNF Party Office hawnna ah a sawi nawn leh a, CEM chuan Council thuneihna laksak a ni chu thalo a tih thu a sawi a, Council in a tihve theih reng SEC in a khawih chu MNF Sorkar chuan laklet tumin a beidawn tih a chiang a.
Hma an lak hma hauh atangin, Social media ah leh khawlai titi pawh a luah hneh nghal viau a, Sorkar thar hian bangbo takin hma a lakngawt a rinawmloh a, Council hnuai a Village Council Election kalpui a nih thin lai leh State Election Commission hnuai a kalpui a nih hnu ah tehfung hrang hrang hmangin, ram leh hnam tan a himlohna te pawh an chhut chhuak dip dep lothei lova, hetiang a CEM meuh vin, Council thuneihna laksak a nih vanga neihlet tum a an beih tur huai taka a sawi hi a lawmawm khawp mai.
SEC kut atang hian lalet theilo ta pawhnise, LADC chuan an thuneihna laksak an duhloh zia leh, ram leh hnam zahawmna a dahpawimawh zia a lantirna tur a ni dawn a, hetiang zawng a ngaihtuah phei chuan, hma hi la thuai thuai se tih hi mitamtak ngaihdan pawh a nih a rinawm.