Pu H.Biakzaua Lawngtlai East MLA, State Sorkar a Agriculture Development Board Vice Chairman chuan, mipuite chu ei leh bar ah intodelh tur a tan la zual turin a chah.
A bialchhung Bualpui NG a Government Middle School Bualpui NG in kum 70 a tlinlawmna nimin a neih a hmanpuina ah hethu hi sawiin Pu H.Biakzaua chuan Hripui leng vangin kuthnathawktute pawn harsatna an tawknasa a, sorkar pawn heng mipui harsatna hi hriain, tunah chuan Covid 19 Vaccine pawh pekchhuah tan a ni tawh a, hripui vanga harsatna zualpui hi a kiang chho tur ah ngai ila, State Sorkar pawn nasa zawkin hmasawnna hna a thawhtheih a beiseiawm tawh a ni a ti a, mipuite chu mahni eikhawp tharchhuak thei tur a tan an lak ngai a tih thu sawiin, puih an ngaihna ah sorkar chuan theihtawp a chhuah zel dawn a ni a ti.
Bialtu MDC, LADC a Executive Member Pu V.Zathanga pawn thusawiin, District Council hnuaia Zirna chuan hniamlam a pan deuh ni a a lan thusawiin LADC a Sorkar thar chuan zirna siamtha turin theihtawp a chhuah dawn a ni a ti.
A kum 70 na Platinum Jubilee an lawm tak, Government Middle School Bualpui NG hian rampum huap pawh a langtham mithiam thahnem tak a chherchhuak tawh a, khawchhehvel mai bak ah thenawm ram Myanmar atang te pawn Zirlai an lo nei tawh thin a ni.