Tunhnai ah Lungmak chuan tlawh a hlawhin, ngaihventu pawh an thahnem chho viau a, a lawmawm takzet a, khawvel hmuhtheih a pholangtute zing ah PPA leh MJA Lawngtlai District te an thawhhlawk hle a, mithahnemtak ten midang hiptur a thlalak an phochhuak thin chuan ngaihventu a titam zual tih a chiang a, kum 2021 a herchhuah meuh chuan DC in a ngaihven a, LADC Executive Meeting ah pawh sawi a hlawh chho ta.
Hetihlai hian a awmna hmun a ni emaw, a hming a ni emaw, inhnialna chawkchhuak thei ni a ngaih nilomahse, social media lam ah dengkhawng tak tak leh hriatnuam lemlo thleng a thu darh a awm thin in a hriat a, heng ah hian, a neitute chuan ngawih chuh hrehlo ngam a tha a, social media a sawi chiam ai chuan, thiltitheiten neitu nihna an tihlan a, an humhalh mai hi a finthlak a, Lawngtlai District Magistrate in Order a han chhuah rup mai te kha, a lawmawm dan a thui riau a nia.
Inhnialna hian khulai Chhimtuipui a Lungmak awm khu engemaw zawng chuan a tihlu viau thei a, hetihrual hian, neitu nih thiam a pawimawh a, a awmna leh nihphungte, a dinhmun te pawh midang hnen ah a neitu chuan chiang taka hrilhfiah thei tur a a tlangpui tal hriat ve te pawh a tha a, neitu nisi, a nihphung hre mumal silova, Social Media lam a tawngpawng rak ve chiam chiam a awmtheih a, inhnialna atthlak ah chuan tello ngam a tha awm e.