LADC Office vawiin atangin hawn tan ani

Kumin atan Lai Autonomous District Council Office te chu vawiin atang khan hawn tan a ni a, LADC Sorkar thar a CEM leh Executive Member te pawn vawiin khan Office an kai tan

Nikum, kumtawp a LADC inthlanpui neih a Sorkarna siamtu MNF Party Sorkar a Chief Executive Member Pu Manghmunga Chinzah leh Executive Member te chuan vawiin khan Office an kai tan a, Office kai hmasakber ni ah hian CEM bak ah Executive Member tinte chuan an enkawl Department te nen inhmelhriatna an neih bak ah, Pathian hnen a inhlanna hun te an hmang a, Office kaitanni ah hian Sorkar thar a mawhphurhna neite pawn Office ah bul an tanni a nih vangin, Office hna pangngai chu thawh mual hleihtheih a ni lo

LADC a Executive Secretary Pu H.Lalramenga pawn vawiin khan Office a kaitan nghal a, Council Sorkar hnuai a Department hrang hrang te pawh Office an kai tha viau a, karleh lam hi chuan Office hna pangngai pawh mumal zawkin kalpui theih a nih a beiseiawm.