October 2 khan Lawngtlai West Bialtu MLA, Pu C.Ngunlianchunga chuan, Model Village atan a thlan Nghalimlui ah, Model Village atan hmalak tanna hun a hmanpui.
Nghalimlui khua ah hian Model Village Committee din niin, Bialtu MLA nen tanghovin, khawdangten an entawn theih turin hmasawnna hna hrang hrang te thawh tum a ni a, Pu C.Ngunlianchunga chuan Nghalimlui khua chu khaw entawntlak nitur a MLA a nihna anga hma an lakhona ah theihtawp chhuah a tanlakpui ah sawmin, hmasawnna hna thawhna ah rilrudik put a ngaih thu a sawi a, hrileng vangin kumdang angin chetchhuah a harsa a, a bial mipuite pawn hrileng vangin harsatna tuar mahse, tutemah chhuanchham a an awm a remtihloh thu sawiin, harsatna an neihte a hnen a thlen turin a chah.
Nghalimlui Community Hall a hun hman ah hian Khualzahawm, Nghalimlui bialtu MDC, Pi N.Sangnawni pawhin thusawiin, Lawngtlai West MLA in, M.Kawnpui MDC bial chhung a mi, Nghalimlui khua Model Village atan a thlang chu lawmawm a tih thu sawiin, MLA hmalakna chu mipui ten an thlawp tlat chuan, a rahchhuah hmuhtur a awm dawn a ni a ti.