Hrileng vanga inkhuahkhirhna thlahdul chhoh mek ah, Lawngtlai District Magistrate chuan zan dar 8 atanga zinglam dar 4:30 inkar Curfew a puan chu Lawngtlai Police leh VLTF ten khauhtakin an bawhzui mek.
September thla khan Curfew hi zan dar 8:30 atanga neih thin a ni a, October thla hian State Sorkar in ruahmanna a siam angin zan dar 8 atangin Lawngtlai khawpui chhungah Curfew hi neih niin, heihi Lawngtlai Police leh VLTF te chuan khautakin an an bawhzui chhunzawm a, lohtheihlohna vanga pawnchhuak tih loh chu khawlai ah hmuhtur an awm lo.
Hetihlai hian Lawngtlai ah hri darh palh thei laka invenna pawh mipuiin an zawmtha chho tan viau tawh a, Lai Autonomous District Council Task Force chuan nimin Inrinni khan Chandmary Bazar ah hmaituamlo te enfiahin, Mask neilote chu a thlawnin an pek bakah, mipuite chu hmaituamna ngaipawimawh turin an zirtir a, LADC a DM&R Nodal Officer Pu Thathluna Chinzah chuan an hmalakna chu mipuiin an zawmthat thu leh Mask neilote a thlawn a an pekna chhan chu hrilaka invenfimkhur a tulzia mipuiin an hriat nan a ti an nih thu a sawi