Hri vanga inthlahdul thawh lina kalpui mek a ni a, Sorkar chuan inkharkhipna a thlahdul chhoh hret hret a, State ramri te pawh hawn a ni chhunzawm zel a, engtinnge ni chhozel ang tih hi ngaihtuah tham a tling a, hrikai lah hmuhbelh zel a ni lawi si.
District tin ah DLTF te chu thuneihna thuitak neiin Sorkar chuan a dah a, DC hovin ruahmanna pawh siam thin a ni a, hetihrual hian Sorkar in kaldantur a ruahman pel lutuk a kal erawh a rem silo, chutiang a kal kher pawh kan mamawh in a hriat loh a.
Tuna kan dinhmun hi, mahni District theuh, mahni khawpui leh khua theuh, mahni veng leh mahni chhung kua theuh, engtinnge hrilakah hian kan him ang tih chu kan buaipui lenber tur a ni chho mek a, heitak hi a pawimawh lai niin, Sorkar a ni emaw, VLTF a ni emaw, an ni chuan mipui kaihhruai an tihtur a nih angin tha an thlah lovang, heitihrual hian inkhuahkhirhna chu thlahdul hret hret a ni chho a, keimahni theuh kan inven thiam chuan hrilaka harsatna kan tawhtur hi a bohmak emaw, a ziaawm phah ngei ngeiin a rinawm.
Mask vuahlo chawitir hi kan himna a nih dawn chuan a tha, chawitir aia a pawimawh inzirtir chung a LADC Task Force ten an thlawn a an semte kha a va ropui ve le, tan ila thar deuh deuh ang u.