132 KV Alternative Line Lunglei, Lawngtlai, Hnahthial, Siaha leh Serchhip Dist hman tur peihfel ta
Mizoram Chhimlam chawmtu tur Power Supply line thar, 132kv Alternative Line chu hlawhtling takin tunhnai khan hman chhin a ni. He line thar hian Mizoram chhim lam, Lunglei, Lawngtlai, Siaha leh Hnahthial, District te a chawm dawn bakah Serchhip District pawh chawm tel thei tura ruahman a ni. Mizoram chhim lamte hian Power Supply Line khat inhmantawmin hei hi Zuangtui Sub-station atanga rawn kal a ni a, Bukpui Sub-stationah lutin heta tang hian Khawiva ah a lut leh a, Khawiva atang hian Mizoram Chhim lam hmun hrang hrangah sem darh a ni thin. He line, Chhim lamin an inhman tawm hi a hlui tawhin chhiat chang a ngah thin hle a, a chhe lai zawn chhung leh a siam chhung ten line dang hman tur a awm mai si loh avangin hun rei tak tak power suplly khaihlak chang a tam thin hle .
132 Kv, line hi Melriat Sub Station atanga rawn kal niin Khawiva Sub Station- a aluh hnuah Chhim lam District hmun hrang hrangah sem darh a ni ang. 132kv, Melriat line hi NLCPR Scheme atanga thawh niin M/S TANTIA – NMTPL, Salt Lake , Kolkata ten Kum 2014 October thla atangin hna hi an thawk tan a , ni 14 August , 2020 khan zawh fel niin He hna thawh nan hian cheng nuai 4,498.06 hman ral a ni bawk. 132 Kv Line hi Kilometre 110 a thui niin tower 252 phun a ni. Offcial takin October thla laihawl vel hian Commission tur a nih thu kan thu dawnna chuan a tarlang.