Kawngpui a chhiatin a tuartu chu kawngpui hmangtangkaitute kan ni a, tun dinhmun ah kawngpui tha tak hi Sorkar hian min chhawp theilo tih chu a chiang a, kan neihsa te hi, neitu rilru pu chung talin hawh u, i enkawl teh ang u,
Khua leh tui diktak ten an tih duh tur awm ang pawh a ngaihloh hi, tiduh kan awm tlat thin hi a hahthlak leh buaithlak lai a ni thin a, Insakna hmanrua, Iron rod chhut ngil nan a kawngpui hmang duh mai te hmuhtur kan la awmte hi a vanduaithlak kan ti dawnnge nianga, Lawngtlai hian neitu a mamawhzia a lantir ah kan ngai zawk ang.
Sorkar chuan Road Protection Squad a din a, a hma a zau khawp mai. Lirthei chhia leh Insakna bungrua te, thildang eng eng emaw kawngpui tichep zawng a awmte thianfai turin hma an la mek a, heihian awmzia a nei chho tan tur ah ngai ila, an hmalakna in a huamtho si, hmuhfuh mai harsa chu kawngpui tichhe zawnga che te hi an ni a, hengmite hian man emaw, hauh emaw kher nghak lovin, mahni chhia leh tha hriatna hmangin sim se a duhawm a, mifing, Lawngtlai hmangaihtute zing ah chhiartel an nih phah ang.
Nunphung pangngailo leh tih awm a langlo thleng a ngaih, kan khawpui a hmuhtur, hriattur a awm thin hi, a pawi khawp mai, he khawpui a cheng zinga tlemte hi a tiduhtu an ni a, mipui lam pawh kan bengchhen ve deuh a hun in a hriat a ni.