Kumtin a hman thin Faina lam a beihpui thlakna Hapta chu Lawngtlai ah hmundang ang bawkin hmanmek a ni.
Faina Hapta hmanmek ah hian, inelna hrang hrang buatsaih leh a ni a, tunlai hian veng engemawzat chuan an huamchhung thianfai in an hnatlang an nei mek a, hetihrual hian, Sorkar Office te pawn Faina Hapta denchhen hian, Faina hnatlang an nei chho mek a, nimin khan BDO Office Lawngtlai a thawkte chuan Faina hnatlang hi neiin, Office leh a chhehvel te an thianfai.
Vawiin hian DC Office Complex a Office hrang hrang, DC Office, Taxation leh DRDA te chuan Faina hnatlang an nei dawn a, heivang hian heng Office te hi tulpawimawh zual tih loh ah chuan mipui tan dawr theih a ni dawn lo a ni.
Faina Hapta hmanmek ah hian inelna, Vengfai, Office Fai, Zirna In fai, Thingpui dawr / Restaurant Fai te thlanchhuah a ni leh dawn a, a endiktur ruatfel vek tawh niin, heng inelna hrang hranga lawmman latute chu nakum 2021 a Republic Day hman hun ah lawmman hlan an ni dawn a ni.