Lai Autonomous District Council a Deputy Chairman Pu LR Dingliana Chinzah chuan MDC 12 te chu ban an nihlohna chhan tur sawifiahturin ni 15 chhung hun a pe.
LADC a Congress MDC pali, tunhnai a MNF Party zawmta, Pu V.Zirsanga, Pu VL Hmuaka, Pu Lallawmsanga Aprtow leh Pu ST Laldailova te leh Congress MDC dang pariat, tunhnai a LADC a Congress Legislature Party atanga BJP Legislature Party dintute, Pu T.Zakunga, Pu C.Lalneihkhuma, Pu Chhuanawma, Pu L.Lawmkima, Pu C.Lallungmuana, Pu Vanlalsanga, Pu JC Ngurluaia leh Pu Suresh Chakma te chu, Deputy Chairman hian insawifiahtur a tihna lehkha hi tunhnai khan pe in, ni sawmpanga chhunga MDC atanga ban an nihlohna chhan tur sawifiah turin a ti.
LADC a Congress Legislature Party te chuan Nominated Member pakhat telin, MDC 13 te chu, LADC dan dinglai, Nomination an File laia Sponsor tu Party atanga an mahni duhthu a Party dang zawmte chu MDC an nihna hlihsak tur tih palzut ah putin, MDC an nihna hlihsak turin Deputy Chairman hi an lo ngen tawh bawk.