Lai Autonomous District Council (LADC)-a Member of District Council (MDC) Inthlanpui, 2020 buatsaih tur atana mawhphurhna hrang hranga Nodal Officer tura ruatte chu nimin khan Lawngtlai DC Conference Hall-ah District Election Officer Dr Andrew H. Vanlaldika hovin an thu khawm.
Dr Andrew H. Vanlaldika chuan inthlan muanawm leh felfai tak a awm theih nan nodal officer-te pawimawhzia sawiin, an mawhphurhna theuh te tha taka hlen chhuak turin a chah a. Nodal Officer te tih tur hrang hrang a sawi fiah bakah, thil tul hrang hrang sawi ho zui a ni.
LADC MDC Inthlanpui, 2020 hi puan la ni chiah lo mah se, inbuatsaihna a kal chho mek a. October ni 19, 2020 khan draft electoral roll tihchhuah niin, siam rem ngai hrang hrang siam rem a nih hnuah, he inthlanpui atana hman tur final electoral roll chu naktuk (October ni 29, 2020) khian tlangzarh tura ruahman a ni.
Hetihlai hian, LADC Election neihtyur a hmantur Electoral Roll chu vawiin hian tarchhuah a ni dawn a, inthlan hun hi puan thuai a nih a rinawm.