Covid 19 a len tantirh a kan hlauh hlawm zia kha aw, khunghran nghal tur tih hriatsa, State pawn atanga rawn hawte pawh kan inkharkhip khum a, hri chinchang hi kan man chho deuh deuh a, kan hlaulo deuh deuh thung ni a ngaihtheih khawp a mipui kan inthlahdah hian ngaihtuahna a tithui viau mai.
Hri laka fimkhur a ngaihzia inzirtirna ngawrh zawka kalpui ngai khawpin mipui in hri kan hlaulova, Sorkar chuan a tihtur ang ang chu a theih chin chin ah a ti reng a, khawilaiah emaw felhlel deuh te chu sawitur a lo awm a nih pawhin, Sorkar hmalakna atang hi chuan mipui lam hi harhchhuak tawh awm kan nihna lai a tam viau awm e.
Hmaituam hi chu a nawlpui ang chuan kan zawmtha thawhkhat viauin a hriat a, inkarhlat a awm erawh kan harsat viau a, Police duty awmlohna hi hri awmlohna a ni chuanglo tih pawm ila, Police man ai chuan, hrikai leh hti thehdarhtu nih hi hlau ila, invenna kan neih ang angte hi tangkai taka kan hman a pawimawh zual khawp mai.
Hri hi tute emaw dobik tur a nilo a, kan vaia kan do tur, tutemah inthlahdah thianglo a kan tanrual patna tur a nih laiin, hetiang lam ah hian kan hnufual deuhin a hriat lawi si a, tan ila thar leh ang u.