MZP Hqrs. Lunglei hruaitute chuan nimin Ni 7.Oct.2020 khan Lunglei leh Lawngtlai inkar kawng siamtu ABCI hotute hnenah lehkha an pe. Lehkha ah hian Lawngtlai kawng siam mek in khualzin te harsatna a thlen nasat thu leh leivung paih dan chu tihdanglam dan ngaihtuah thuai nise an duh thu an ziaklang.
Kan thudawnna in a sawidanin hemi hmalam hian MZP Headquarters Lunglei hruaitu te chuan NHIDCL PMU-2 General Manager chu a Office ah kawmin Lunglei leh Lawngtlai inkar kawng siamin khualzin te harsatna a thlen nasat thu leh a chinfel dan ngaihtuah turin an lo hmu tawh a, NHIDCL General Manager chuan chuan Lawngtlai kawng lamah chuan Thualthu thleng chiah Project Management Unit-2 in an khawih a ni a, Lawngtlai lama General Manager a sawipui tur thu in a lo chhang a ni.MZP Sub Hqrss Tlabung pawhin Lungsen leh Tuichawng inkar kawng chhia chu siam that thuai an duh thu an thlen ve bawk .
Hetihlai hian World Bank Road, Lunglei leh Thenzawl inkar kawng chu a chhe leh tawh hle a, khuar a tamin Motor te tan phei chuan tlan harsa khawp a ni leh tawh a, Lunglei Thalai Pawl te chuan tunhnai khan helai kawng hi tlawhin siamthat anih atanga kum khat vel awrh chauh ala nih lai a heti em em a a chhe leh ta chu mak an tih thu leh a siam danah thil fello engemaw ngei awm ni a an hriat thu an lo sawi tawh a ni.