Hripuiin khawvel atuam a, Mizoram Kristian ram ah pawh March thla chawhnu lam atangin Biak In hawn hleihtheih a ni tawh lova, Kristiante hunpui Krismas pawh hi mumal takin kan hmang thei angem, tih pawh hriatlawk har tak a ni.
Mizo kristian te aia Pathianthu ngaihthla hnem leh sawi hnem hi an awm lo maithei, karkhat chhung a zan tin deuh thawh chu Kohhran Programme in a khat a, Pathianni chhun leh zan inkhawm phei chuan ngaihpawimawh a hlawh a, Biak In pan ngai lo leh inkhawm mumallo te phei chu Kristian tha ah pawh ngailo kan awm thei hial ang tih khawpin Biak In leh a chhehvel a rawngbawlna kan dah lian a,a tha khawp mai.
Kristian chu a rinawmtur a ni, a dik tur a ni, chu chu a zui Isua nunzia a ni a, heihi Biak In a Mizo Kristian ten kan inzirtir tam pawl tak pawh a ni a, khai le, kan inkhawm theilova, Biak In khar a ni a, a huihova Pathian fak a remlova, lamtual luah a remlo. He hun kan tawn mek ah hian Kristian kan ni em? tih hi mahni han inzawt chhin ila, kan hnathawhna te, kan nitin nun leh chhungkua a kan hun hmandan ah te keimahni ah Krista hmel a lang em ? heng zawhna te hi mahni a chhan chi a ni.
Kan Pathian hian Biak In min kharsak a, Biak In pawn ah hian engangnge in nih tih ka han enchhin teh u a ti te pawh a ni mahna, mahni theuh inennawn teh ang u.
Tags
Editorial