Central YLA in Nl.Carolyn-i a ral

    October Ni 6  khan hrileng avanga ramria duty laia boral Sangau Nula Carolyn Lalvenmawii chu Central YLA chuan Rs Nuaihkhat in a ral.

Ralna hun hi Nula Carolyn i te in, Sangau ah neih niin, Central  President President Pu HC. Vanlalruatpuia chuan, Lawngtlai District hrileng laka a him theihna tura theihtawp a Duty te eirawngbawlsak a ram hnuai a riak, a chunga thihna hial tuartu Nl. Carolyne i chu YLA thinlungah a reh dawn tawh lo ani tiin,a hnathawh hi mi huaisen leh mi tlawmngaite chauhin an tih theih.Ram a him theihna tura Ram hnuaia riak ngam, YLA Member Nula huaisen kan nei hi keini Central YLA chuan achhuang takzet ani ati a. A puala kan tih theih tawk YLA Member, tlang hrang hrang amiten kan remchan ang kan thawhkhawm hi, Carolyn i huaisen zia ngaihtuah chuan engtham mah anilo tih kan hria, mahse kan tih theih tawk hi lawm taka min lo pawmsak kan duh ani tiin, Carolyn i ralna Sum Rs Nuaihkhat leh Chawimawina thuziak  chu Carolyn i Nu leh Pa hnenah a hlan ani.

Nl. Carolyn Lalvenmawii hi Fungsih chhuah ah kumin May 4-11 chhung khan Covid 19 vangin a duty a, heta a duty lai atang hian damlo tanin, Sangau PHC ah enkawl niin, Damdawiin a chhuah hnu ah thatlam pan hleithei lovin June 8 ah Sangau PHC-ah admit leh a ni a, June ni 9 khan boralin, June Ni 10 ah Sangau thlanmualah  vuiliam a ni. 

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post