Inthlanna apianga midang teh nan tehfung lek langsar tak chu, ‘Vote engzat nge a hum’ tihhi a nifo mai. Inthlanna a tlingtur chuan Vote hmutamber nih a ngai a, chhungrual deuh leh chhungkhat laina hung deuh te chuan, Candidate te it an hlawhfo a, heihi thil thar nilovin, inthlanna in a kentel a ni a, vote humtam deuh te chuan rimtu pawh an nei hraw viau maithei.
Democracy ramah mipui ten an aiawhtur an thlanna ah hian Vote hum tam te behchhan ringawt hian ram hnuk a khawihpha tak tak lova, Vote nei zawng zawngte hian, dikna chanvo, mahni chhia leh tha hriatna hmanga Vote thlak theihna an nei vek a, he an dikna chanvo neih hmang hleithei lova, tute emaw Vote hum zing a tel ve mai palh hi mahni hlutna tihhniamna a ni tih hi Vote neiten an pawm a tul khawp mai.
Inthlanna a vote thlak hi ram siamnan a mipuiten bul an tanna a ni a, mahni duhna a vote thlak lemlo te, tute emaw thununna hnuai a awmte hi mipangngai tan chuan a tlawmthlak a, tutute emaw humkhawm a, midang tana huphurhawm leh biak hlawh nih tum a,tal chingte pawh hian ram hnuk an khawihpha tak takin a rinawmloh.
Vote engzatnge kan hum? tih aiin, ram leh hnam tan mitha, mipuiin rualkhai taka an chanvo an neih theihna tur a ngaihtuahfim tak hmanga ram hruaitutur thlang ngamte hi an hlu a, an hlutna a zual tulh tulh ang.