LADC a Information & Puclic Relations Department changtu, Executive Member Pu Chhuanawma chuan, MJA Lawngtlai District te nimin khan thingpui inpuiin, Lawngtlai Journalist ten Council Sorkar an thawhpuina ah lawmthu sawiin, LADC a VC Suspend chu Party tana hamthatna umna a awm loh thu a sawi.
LADC Sorkar dinglai Term chu danpangngai ang chuan kumin November thla hian a tawp tawh dawn vangin, Pu Chhuanawma hian inthlahna thingpui, MJA te hi inpuiin, Lawngtlai Journalist ten Council tan an thawhhlawk hle tih sawiin, thahnemngai taka ram leh hnam tan thawk chhunzawmzel tur in a chah a, tunhnai a LADC a VC engemawzat suspend an ni chu Party hamthatna tur dapna a nihloh thu leh Congress VC pawh suspend an ni tho a, VC tana sum khawihtur awm ang ang pawh Party thliarna neilovin pekchhuah a ni a, englaipawhin finfiah ngam a ni a ti.
He hun ah hian MJA Lawngtlai District Pressident Pu Lalngheta Ralte chuan, Journalist te chuan thawhpui theihloh an neihloh thu sawiin, Journalist te ngaihsaktu Council Sorkar an nei chu lawmawm a tih thu a sawi.
Nimin a inkawmhona ah hian Lawngtlai District MJA Pension Fund ah Pu Chhuanawma hian Rs. 20000/- a chhunluh chu MJA te hi a hlan a, MJA Lawngtlai District te hian Journalist Pension hi kumin June thla atang khan mumaltakin an kalpui tan a ni.
Pu Chhuanawma, hi I&PRO Pu C.Lalrinzuala leh Pu PC Chuaudinga ten an tawiawm