LADC hi Mizoram ah Politics boruak sanna ber ni hial a sawi an awmfo a, a dikna a tam ang, hmundang atang chuan rorelthiam pawh a har viauin a rinawm a, inthlan dawn hnaih ah phei chuan, tute pawh hi, Politics virvel ah kawmtlakloh tak tak an awm meuh lovin a hriat a, hetiang khawp a ram roreltu thlanna a mipuiin ngaihtuahna an seng hi a lehlam zawnga ngaihtuah chuan hlutak a ni thei ang.
Inthlanna a chuhtum Party chuan ram hruai an tumdan mipui ah zuarse, chu chu Candidate leh an mahni puituten aupui maise, chutatang chuan ram mipuiten an duhthlang maise, an lo thlang fuhlo deuh a nih chuan, inthlanpui neih leh hun ah paihthla maise, tiang chuan ram inrelbawlna hi kalpui chhoh theih nise, chu chu a kalphung tur pawh a nih laiin, tun ah chuan, a nawlpui hian Politics luhchilhin kan buaipui luai luai a, miengemawzat phei chuan muthmun ah inkawkip a chhutin, an vote na lamtur nen lam an chhut thlip thlep a, an chhut sual tamlo fo lehnghal.
Engtinnge kan kalphunghi kan thlak tak ang le, tuna kan kalphung hi a fuh lo tih chu mitamtakin an pawm a ni a, a bultannan chuan, kumin a hruaitu thlan a ni dawn, thlanchhuahte hian huaisen takin ram hi hruai ngamse, bul han tan sela, kumnga chhung chuan zuitlak an nih leh nihloh chu mipuiin an hre ngei ang