Thawhtanni khan Chawngte RD Block MzSRLM chuan Financial Inclusion Week 2020 hawnna, Bajeisora ah an nei.
Financial Inclusion Week hi nimin khan Chawngte BDO, Pu S. Kaptluanga'n hawngin thingtlang chhungkaw khawsak harsa tete pawhin kan neih ang tawk sum khawl leh Sorkar laipui Scheme ruahman hrang hrang te hmang tangkai a, Self Help Group a tanga chhungkaw khawsak hmasawnna kawng zawh turin duhsakna a hlan a ni.
State Bank Of India, Mizoram Rural Bank, leh Health dept. aiawh ten thu sawiin, Bank a sum khawl hlutna leh Life Insurance leh Health Insurance a in register theih dan te an kawhhmuh a, Block Mission Manager, Pu Lalchhuanliana Fanai chuan, "Chawngte RD Block chhûngah khaw 88 awmin, Self Help Group din vek tawh a ni a, Self Help Group 667 awmin, Village Organization 24 kan nei mêk a, Self Help Group sawmpakhat (11) te chuan Mizoram Rural Bank leh State Bank of India ah Loan Rs. 11 lakh an la tawh bawk a ni" a ti.
Financial Inclusion Week hian Oct. Ni 5 atangin ni 9 thleng a awh anga, hemi chhûng hian Self Help Group member atam theih ang ber Insurance leh Health Care Scheme ah in register tir turin hma an la bawk a ni.