Dist. Hqrs. MNYF leh MNWF ten LADC Sorkar bangturin an phut

       Nimin khan MNF Thalai Pawl, District Hqrs Lawngtlai leh MNF Women Front Lawngtlai ten LADC a  Pu T.Zakunga kaihhruai sorkar chu  Member ngah tawklo a nih vangin  CEM  atanga bangtur a nawrn nan Poster an tar.

Poster Campaign neih hma hian Hnam Run ah MNYF President Pu Elvis Lalthangzuala chuan  Pu T.Zakunga CEM kaihhruai hian Lai Autonomous District Council, Constitution, Conduct & Bussiness Rules 21 (2) ah Executive Committee chu Legislature party lian ber ten Majority an neih theih chuan sorkarna an siam tur ani, tih chu an  bawhchhia a. Tunah hian MDC pakua chauh neiin, District Council ah rorelna a  kalpui  chu pawi a tih thu leh Lairam mipuite zah lohna leh Democracy  palzutna a ni,' a ti.

MNYF President chuan, "BJP te hian sorkarna siam tur khawp MDC an nei lova, heti chunga rorelna dawhkan a la luah lum tlat hi ram leh hnam hmangaihna ni lovin, mahni hamthatna tur chauh ngaihtuah mi ani  a ti a.  Chuvangin, majority pawh nei lo sorkar hian kan ram an hruai zel a rem tawh loh avangin, Pu T.Zakunga, CEM leh a thawhpui te hi MNF Thalaite chuan a rang thei ang bera bang turin kan ngen a ni, a ti a. Heti chung pawha anihna a kalsan lo anih chuan kan ram leh hnam tana rorelna In pui min pek chu a zahawm theihna turin a tul ang zelin hma kan la dawn ani" a ti bawk.

Tun dinhmunah Lai Autonomous District Council a party hrang hrang MDC neih dan - BJP 9, MNF 12, INC 6 leh Independent 1 an awm mek a. Eng party mahin sorkar-na an siam thei loh avangin MNYF te hian Pu T.Zakunga leh a thawhpuite  chu  bang turin an phut  tih an sawi.

Poster  tar  hmaa hunan hman hi , Pu Lalramliana Colney President, Pu Lalzahawma Chinzah, Treasurer, leh hruaitu dang ten  an hmanpui   a ni.