Lai Autonomous District Council-a Adviser to CEM thar Pu TT. Nohmung chuan nimin khan a Office a luah tan
Tunhnai khan Adviser to CEM Pu K. Vanlalsanga nilai chu Executive Member atan dah a ni a, , a hmunruak luahkhat tur hian CEM chuan Pu T.T. Nohmung hi a ruat ta a ni.
Office luahna ah hian CEM,Pu T.Zakunga chuan Sorkar term dinglai chu inthlan hnai tawhin huntam awm tawhlo mah se Sorkar fuke kim lova kal chu a remloh avangin party leh hotute ruahmanna angin thil kalpui a ni a ti a, Pu TT. Nohmung chu kum upa lam tawh ni mah se mahni hna-a tui tak leh theihtawp chhuah thin ani tiin, Sorkar inrelbawlna ah pawh mi tangkai tak ani chhunzawm zel dawn ani ati.
CEM chuan Sorkar Term kallai chu tawp hnai tawh mahse, ram leh hnam tan Executive Member te leh Sorkar kutke pawimawh te chuan thathlah lova, theihtawp chhuahzui zel turin a chah bawk
Pu TT. Nohmung hi Pawi District Council-a Chairman hmasa ber niin kum 1973 khan Sangau Bial atangin thlantlin niin hemi hnu hian Executive Member pawh a lo ni tawh a ni.
Adviser to CEM thar Pu TT Nohmung chuan hnam ziarang humhim chu Lai hnam tana a vei em em thin leh hnam boral tur chhanna pawimawh tak a nih thu a sawi a, hetiang dinhmun a luah thei avangin LADC Sorkar chung ah lawmthu a sawi bawk