Editorial | INKHUAHKHIRHNA KHAUH ZAWK KAN MAMAWH LO MAW ?

     Hri hi vantlang ah a la darh chiahlo a ngaitu an awm anih pawn, hrikai hmuhchhuahte atang hi chuan, Lawngtlai hi hri hian a tuam viau tawh awm mange tihtur a nihna chin a awm a, kan venhnehloh khawpin min luhchilh ang tih chu thil hlauhthawnawm ber a ni hial tawh in a rinawm.

Zan Curfew , bawhchhiate pawisa kan inchawitir hian awmzia thuitak nei mahse, hridarh tur a vengtawklo maithei, chhunlam ah kan zalenin, kan insulpel nuai nuai tho si a, tuna hmalakna piahlam ah hian hmathar lak hi a  tul viau tawhin kan ngai em le ?

Hrilen tirh lai ai khan tuna kan dinhmun hi a hlauhawm zawk daih a, mipui lam erawh chuan kan hlauhlo zawk niin a hriat lawi a, Sorkar chuan dan leh hrai zawmtur neuh neuh a ngah a, Inkharkhip angte puang a, kalpui zung zungturin duhthusam leh mipui himna tawktur a hmalaknaah duhkhawploh chin a awmthei maithei.

Kan himna tur a theihtawp chhuah a ngai lawisi a, NGO lam emaw hian hmalase, sorkar chuan a theih ang angin beng chhungawng maise, Ni 14 chhung tal hi chu inkhuahkhirhna khauhzawk a kalpui hi kan dinhmun thlir hian kan mamawh in kan hria em le ?.