Lai Autonomous District Council Sorkar chu Council inthlanpuia hnaih chho tulh tualh a, boruak eng engmaw in a tlakbuak chho zel a, kar kalta Zirtawpni khan Congress Legislature Party te chuan Deputy Chairman hnen ah MDC sawmlehpathum te chu, MDC an nihna hlihsak tura ngenna an thehlut.
An lehkha a tarlan a nihdan chuan CCB Rules 11 (6) (a) in a tarlan angin, MDC tupawh Nomination a File laia a sponsor tu Party atanga ama duhthu ngeia Party dang a zawm dawn chuan MDC a nihna hlihsak tur a nih thu an ziaklang a, CCB Rules bawhchhia a, BJP leh MNF Party zawm ta MDC 13 te chu an nihna hlihsak turin Deputy Chairman hnen ah hian ngenna, Congress Legislature Party te chuan an thlen ta a ni.
An lehkha a an tarlandanin, Congress Party atanga BJP zawmtu mi pakua, Pu T.Zakunga, Pu C.Lalneihkhuma, Pu Chhuanawma, Pu L.Lawmkima, Pu C.Lallungmuana, Pu K. Vanlalsanga, Pu Suresh Chakma, Pu JC Ngurluaia leh Pi Vanpari te bak ah Congress Party atanga MNF Party zawmtute, Pu V.Zirsanga, Pu ST laldailova, Pu VL Hmuaka leh Pu Apetow Lallawmsanga te chu MDC an nihna hlihsak turin Cogress Legislature Party te chuan Deputy Chairman hi an ngen a, Deputy Chairman hian engtianginnge hma a lakzui dawn tih tun dinhmun ah kan hre thei rih lo.