Tunlai khawvel pumah kan buaipui mek natna COVID-19 pawh mi thiam zawkten theih tawk chhuahin an buaipui reng a, WHO a zir mite chuan vaihlo leh COVID 19 natna inkungkaihna an puangzar tawhin mipuite hriattur zirtirna pawimawhte pawh an lo tichhuak tawh bawk ani. Chuvangin, vaihlo avanga kan taksa a tihchhiat theihdan hrereng chung leh COVID 19 avanga harsatna kan tawh mek leh kan tawh theih zawng zawngte thlir thiamtak chungin Zuk leh hmuam tellova khawsak kan zirthiam a pawimawh takzet ani.
1. Zuk leh hmuam hian natna tam tak bakah Lung natna chi hrang hrang leh Chuap lam kaihhnawih natnate a thlenin harsatna a siam a, hetianga lung lam leh chuap lam harsatna lo neisa tan phei chuan COVID 19 hi a hlauhawm lehzual hle ani.
2. Vaihlotur hian mihringte hriselna kawng tam taka a lo tihchhiat hmasak tawh thin avangin chutiang taksa chaklosa tan chuan COVID 19 natna do theihna (immunity) nasatakin a tlahniam theia, chuvangin Zuk leh hmuam tingailote aiin an tawrhnasat theihna a sang bik ani.
3. Taksa in oxygen duhtawkin a hip theilo emaw a hmantangkai theihloh avangin harsatna an neih zualphah a hlauhawm em em ani.
WHO chuan meizuk chu mihring taksa hriselna tichhetheitu mai nilovin COVID 19 kaina chance sang tak siamtheitu ani tih thu an sawi a, “Meizial kan han zuk hian kan kutzungtang leh kan hmui a insikfo avangin kan kachhunga natna hriluhna chance a sang hle a, heibakah hian Non Communicable Diseases (NCD) kan tih Blood pressure sang, diabetes neiho hian COVID -19 hi an la naduh bik hle a, Zuk leh hmuam hi heng NCD natna thlentu langsar ber zinga mi ani lehzel a. Tin, heng sahdah, kuhva, zarda, pan parag tihang ho hmuam a ei ho hian chil an chhah puat puat hi COVID 19 tipunluntu liantham anih avangin sorkar pawhin puipunnaahte pawh chilchhahte a lo khap hial ani.
Hetiang zawng zawng avang hian nangmah leh mi dangte hriselna tur leh kan him tlanna turin:
1) Zuk leh hmuam tisuh, I lo ti anih pawh i simhun ani e.
2) Chilchhak mai mai lohtur
3) Zuk leh hmuam mi dangtenen intawm loh tur
4) Kut silfaihmasa lovin sahdah/eitur khawih suh
5) I taksa hriselna tichak turin eitur hrisel leh thianghlim chauh ei la, Zuk leh hmuam leh thilthalo dangte tisuh ang che.
Hriselnatha lehzual kan neihtheihna turin inchhungkhurah te pawh tunaiin awmzenei zawk a kan inhrilh nawn mawlh mawlh a pawimawh takzet ani.
A tawpnan COVID-19 lakailo him zawk nan zuk leh hmuam lakah insum hram hram ang che.
National Tobacco Control Programme (NTCP), Lawngtlai District