Khapna thupek ringawt in awmzia a neilo a, bawhzui a, thupek zawmlote hrem an nih in, thupek chu awmze nei ah a chang thin.
Tuna Addl SP nilai hian kalkawng ah Two wheeler a chuang, helmet khumlo, hmai pawh tuamlo a tawk a, a tiding a, a tihtur a ti mai. District Magistrate chuan kawngpui tihnawk zawng a bungrua dah a remtilova, Ran khuahkhirh nan thupek a chhuah bawk a, bawhzui a ni a, awmzia a nei chho tan mek bawk.
Mipui chu kaihhruai ngai an ni a, an duh ang ang a awmtir chuan ranrual awmkhawm pawh an tluklohna chin a tam mai, hetiang a nih vang hian khapna thupek leh dan zawmtur tamtak a awm a ngai a, hengte hi a lekkawhtutur ten an lekkawh siloh chuan, khawilai khaw luh dawn ah emaw, an khawchhung a ruihhlo lakluh remtih loh thu tar ang chauh a ni thin a, tun dinhmun ah chuan hetiang lam a Lawngtlai District tana mithahnemngai kan nei hi a vanneihthlak khawp mai.
Apawimawhber ah chuan, mipuiten tihtur leh tihlohtur an zawm thiam a ngai a, luhlul fal deuh chu lo awmpawh nise, a nawlpui a dan kan zawm thiam phawt chuan khawpui nuam, entawntlak nih hi thil har a ni hauh lovang.