Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 37 a ni.
Lawngtlai District-a COVID-19 positive case, Zoram Medical College (ZMC)-a RT-PCR hmanga swab sample endik nawn a nih hnua negative ta hmeichhe pakhat (1) chu nimin khan Lawngtlai Covid Care Centre (CCC) atangin dam taka chhuahtir a ni a. Heti hian Lawngtlai District-a positive case hmuh chhuah tawh zawng zawng 31 atangin dama chhuak 29 an awm ta a. Tun dinhmunah positive case CCC-a enkawl lai 2 (hmeichhia 1 leh mipa 1) an la awm mek a ni.
Nimin khan state pawn atanga lo haw mi 6 lo thlen belhin, Medical Quarters-ah dah an ni a. ZMC-a RT-PCR test tura Lawngtlai District atanga swab sample thawn tawh zawng zawng 1333 chu a result hriat kim tawh niin, Lawngtlai ah TrueNAT hmangin sample 3 leh Rapid Antigen Test hmangin sample 48 endik a ni ve tawh bawk.
Tourist Lodge, Lawngtlai ah mi 8 an awm mek a, PWD Inspection Bungalow ah mi 4, Medical Quarters ah mi 15 an awm mek a, an ni bak ah hian Covid Care Centre - 2 dah mek an ni.