Thawhtanni khan District Hospital Lawngtlai TrueNAT Laboratory-a COVID-19 test-na khawl Truelab Quattro chu hman tan niin, tluang takin test kalpui a ni a. A tumkhat nana sample pathum test chu a negative vek a ni.
A vawikhatna a ample test hi hmeichhia 1 leh mipa 2 a ni a. Heti hian Lawngtlai District-a sample lakte chu hmun danga thawn ngai lovin Lawngtlai TrueNAT Laboratory-ah hian test zel theih tawh a nih beisei a ni a. Sample lak tur (test ngai) an awm dan enin, rikrum thil a awm a a nih loh chuan Lawngtlai TrueNAT Laboratory-ah hian chawlhkar khatah vawi hnih test kalpui a tawk rih tura ngaih a ni.
Mizoram a District 10 ah TrueNAT khawl hi dahkim a ni tawh a, District 10 zing ah Lawngtlai District Hospital chu he Laboratory a taka kalpui hmasa ber niin, TrueNAT Laboratory ah hian Laboratory Techinician pahnih bak ah Date Entry Operator te chu Dr. Paul Lalchungnunga’n a ho mek a, he Laboratory hi pawnlam mi na tan a bul hnai a kal leh chetvel hlauhthawnna tur a awm lova, mithiam ten him tur a an ngaih a ni.