Smartphone hmanga Social Media khawih maitheih a ni hian, remchanna tamtak a hringchhuak a, a hma a harsa taka social media hmang thin ten, mahni awmhmun ah awlsam takin an hmang thei a, awlsamna tamtak a hringchhuak a, a vanneihthlak ngawt mai.
Hetihrual hian he Social Media vek hian mihring nun a tichhiain, midang a chiai a, tullovah mipui buaina, harsatna a thlen fo bawk a, heng laka inven hi mipangngai chuan a tihtur a ni tih hre reng chung hian, mahni tihtur tilo, mipangngai tak tak zing ah pawh hriattur an la awm zui zel thung si.
Kan tunlai boruak hripui leng hnuai ah phei chuan, Social media hi tun aia hmanthiam a pawimawh zualin a hriat a, Sorkar leh thuneitu lam leh mirintlakte thu ngaihchan thiam a pawimawh a, khawilai social media kawnglai a, thulengvak kan chhar te, thehdarh ngawt hian, mipui a tichai a, tullovah nunphung a tihbuai chiam thei a, hetiang laka inthiarfihlim thiam a piangin mifing, hmangchang hria nih an hlawh mek.
Social media hmandan in zirtir ngai khawp a ningkhawng hrelo, Smartphone hum kan tam lovang, kan hriatsa hi hmang mai ila, chu chuan awmzia a neithui ngei ngei ang.