Covid 19 hi a reh mai dawnlo, engchennge a awh dawn a hriat lova, nunphung hi khaihlak lutuk silovin, nunphung hi a tikhaihlak reng thei a, nasa zawkin a tikhaihlak thut thei reng bawk.
Vawiin a himpial, zalen tak kha, naktuk ah chuan, inkharkhip thut ngaiin kan awmthei reng tih hria ila, he hri hian engtikah nge kan chhungkua, kan khawtlang hi a luhchilh ang tih tuman hrelo mahila, a luhchilhloh nan a inven hi ngaihpawimawhber a neih anih loh chuan, hri bupuiin aluhchilh ramdang chanchin kan ngaihthlak leh rhiat angte hi, englaipawhin kan chunga thleng thei reng a ni tih hi kan pawm ngam a pawimawh khawp mai.
Hetiang a dinhmun hlauhthawnawm taka kan dinlai hian, mithiamte thurawn anga invenna kalpui a pawimawhber a, tullovah chiai lo ila, invennachang hrelo leh inmveng duhlote erawh, khawtlang pawh hian khauh zawka an laka inkaihhruaina dan an neih deuh deuh pawh a tul hial maithei.
Hri hi tanrualna atang lo chuan do hneh chi a nilo tih kan chiang tlang a, kan chiantlan rual hian, khawilai ah emaw, miinthlahdah leh midang zahna neilo an awmpalh hlauh chuan, chungmite chu hri pudarhtu thatak an nih theih lawi si vangin, a nawlpui a invenna hi klhauh zawka kalpui zuizel a tul a, kan fimkhurloh chuan englaipawh in inkharkhipna khauh zawk hi hmachhawn thei reng kan ni si a.
Tags
Editorial