Editorial | HRUAITU PAHNIHTEN TAN AN LA

  Lawngtlai District ah DC chu hotuber a ni a, LADC ah CEM chu pa ber a ni thung a, heng dinh mun pawimawh tak luahtute hian Lawngtlai hi an thutchilh thin a, tun dinhmun ah chuan, heng mipawimawh pahnihte hi helai mi leh sa an ni hi a hlu a, helai mi an nihna ringawt piahlam ah, ram veitu an ni ve ve hi an hlutna tizualtu a ni.

        Heng hruaitu pahnihte hian Chanchinbumite hriatah inbiakna an neih tawh bak ah, a nawlpuiin kan hriat lemloh hian, ram tan an inbe fo tih a chiang a, helai tak hi a hlutna niin, hmasawnna hi chawpchilh taka hmuhtur a awmlaiin, thenkhat chu a kumtel a liam a ngai thung a, hengte hi a kalrual loh chuan hmasawnna chu a khingbai mai thin.

          Heng hmasawnna hi thataka a kaltheih nan, hnathawktute an pawimawh hmasa a, State Sorkar leh Council Sorkar in thawhdunna piah lam ah thawhhona zau mai nilo, thawktute inpawhtlanna a awm theih nan DC leh CEM hian hmalak chu ngaihpawimawh hmasak ah an nei a, hun reilote ah an Office ve ve an intlawhsak nghal a nih kha. 

       

          Mipui lam hian thiltha duh tak tak hi chu an enkan thei lova, tun a kan hruaitu pahnihte te fakna thawm pawh hi hriattur a awm chho tan a, faktlak fak mai hi intihphur tawnna leh chakna hnar a ni tih hi mipui lam hian an hailova, an hruaina hnuai ah beiseina sang tak mipui lam pawn an neih mek hian, rahtha a chhuah chhoh zel a beiseiawm khawp mai.