Politician ti a kan sawi tamtak hi, mithiam zawkten zirchiang se, Politician ah an pawm a ngem ?
Politician tha chuan amah a indahtha a, a ram mipui tan a inpumpek a, ramin a finna leh taimakna te a chhawr tangkai thin.
Mizoram a Politician kan tih ten Politics an khelhdan hi ngaihtuah chian chuan a beidawnthlak chang a tam viauin a hriat a, mipui chhiahhlawh anga an insawi laiin, mipui aiin an chhiahhlawh a nuamsa a, an thawhsak mipui lam an bet tlawk tlawk lawisi a.
Heihian mipui ngaihtuahna a hruai kawi a, Party belfuh deuh te thlahnih khat lek ah pawh an lian thur thur thei a ngaihna a pian phah a, a dikna chin a awmfo bawk si nen, mipui lam hian Politician tha an tehna a kal kak nasat phah a, an mahni duhsak theitute chu Politician tha ah ngaiin, ram tan nilo, mimal tan thahnemngai takin Politics chu an khel fo thin.
Kan Politics khelhdan hi Democracy in a tum nilo, a kildum a kentel ah kan talbuai a, ram hmangaihna aiin, mahni indah hmasakna a hringchhuak a, Politician te pawn mipui te chu Citizen en a enlovin Voters hmuh hmuhin an hmuh phah fo bawk.
Heng zawng zawng ah hian a siamtha theitu chu mipui lam an ni a, Politics kaldiktur hian hruaitu tha zuingam an pawimawh a, chutiang mi tungding ngam mipui an awm a tul a, heng zawng zawng hi a kalkawp tlat a tul a, kan ram hian hmabak a la nei nual awm e.
Tags
Editorial