Khuarel chhiatna ti a sawi thin engemawzat hi chu, mihringte fimkhur tawkloh vangte, inven nachang hriat loh vanga thleng a ni thei.
Hetihlai hian, lirnghing, leimin, thlipui lak a himthei tur hian, ram changkang a ngaihte pawn hmalakna thuitak nei mahse, an la him tak tak thei chuanglo.
Khuarel chhiatna hi kan duh emaw duhlo emaw, kan la tawh zel tur a ni miau a, heng hun a lo thlen a chetlakdan tur hi chhungkawtin thlengphak a inzirtirna neih hi a pawimawh viauin a hriat a, tuna sorkar hmalakna thinte hi ngaihven peih a pawimawh a, hetihrual hian, miin chhiatna a tawh tawh chuan, heng hmalakdan tur a zirtirna te hi theihnghilh vek a chiai mai a awl viau thin a ni. Inkang a awm palh a, mahni remhriatdan ang theuhin pungkhawm a piangin hma an la a, sawt pawh a sawt viau mai, mahse, helam a zirchhuak ten chetlakdantur an ruahman erawh chuan awmzia a nei mawh viau thung si, a bikin rikrum thil ah mahni remhriatna ang a chetna a tam thin, heng ah tak hian, vanduaina dang tawh belh palh hlauhawm a nih vangin, tihtur leh tihlohtur te hi nasa zawk a inzitir a, mipui nawlpuiin an hriattheih nan a hmalak a ngai a, NGO thiltih nikhua leh, Kohhran thlengin hetiang zawng a hmalak dan hi inzirtir theih ni thei se a duhawm ngawt mai. Chhiatrupna hi tawk thei kan ni si a.
Tags
Editorial