Council Veng khawtlang ten Pathian hnenah inhlan tharna leh sual thupha chawina an nei

Nimin Pathianni  chawhnu dar 2:00  khan Lawngtlai Council Veng, Village Council te leh Young Lai Association, Council Veng Branch te  buatsaih in LADC Complex-ah khawtlang huap Pathian hnena inhlan tharna leh sual thupha chawina an nei.

       

         He hun hi Pu Elvis Lalthangzuala Village Council member in a kaihruai a. Pu T.Tialchunga, Sr.Adviser YLA Council Veng Branch chuan Pathian thuchah a sawi bawk.

He hun ah hian Council Veng mipui te chuan Kum 2020 min hruai thlengtu Pathian hnena lawmthu sawina te, Mahni inhlan leh chhungkaw inhlan tharna te, sual thupha chawina te, an veng chhunga ruihhlo zuarte leh ruihhlo ngaite'n an sim a, Kohhran leh Khawtlang tan mi tangkai tak an nih   theih a tur leh Kum 2020 chhung ngeia Council Veng atanga Missionary an chhuah ngei theihna turin tawngtai rual hi an neiin Pathian faka chawimawi in hun hlimawm tak an hmang a ni.