Nimin khan Lai Autonomous District Council kumthar 2020 atana Pathian hnena inhlanna hun CEM Office tual ah, Executive Member Pu H.Lalramenga kaihhruaina hnuai ah an hmang
LADC a Chief Executive Member, Pu T.Zakunga chuan LADC hnuai a hnathawktute chu kumthar chibaibukin duhsakna a hlan a, kum thar a rilru thar nen, thahnemngai zawk a ram tana thawkturin a chah.
CEM chuan kum 2019 chhung a District Council hmasawnna tlangpui sawiin, Lai hnam dan gazette thar te, GIA/Fund Rules thar nikum atanga kan hman a nih thu te, New Pension Scheme an hmang thei ta te chu lawmawm atih thu a sawi a, tanrual hi chakna ani tih sawiin kan tanho chuan Lairam hi a danglam ngei ang a ti a, Office dawrtute tan biak nuam leh hawihhawm taka awm tura chahin, beidawnga tumah siam lo turin a chah.
LADC a thawkte inhlantharna hun ah hian . Rev. B. Zazawna Lai, General Secretary, LIKBK chuan hunserh hmangin a huhovin Pathian hnen ah tawngtaiin an inhlanthar a ni.
LADC hnuai ah hian hnathawktu 1800 vel an awm mek a, kum 2019 chhung khan hnathawktu mi 14 ten chatuanram an pam a, mi 34 pension in an chhuak.
LADC Office hi tunkar Thawhtanni atang khan hawn tan niin, Office kaitanni hian Department hrang hrang te chuan inhlantharna an lo nei tawh a, kumthar a piang a an lo tih thin angin, a
huhova inhlantharna hi neih a ni.